Қалыңдықтың құрбысы болсаңыз – не істеу керек?

Міндеттер мен образ бойынша толық гид

Қалыңдықтың құрбысы болу – бұл жай ғана бірдей көйлек киіп, фотоға түсу емес. Бұл – жауапкершілік, маңызды рөл және шынайы моральдық қолдау. Сіз – сол күні бәрін есте сақтайтын басты кейіпкердің оң қолысыз.

Сізді қалыңдықтың құрбысы етіп таңдады ма? Құттықтаймыз – сіз махаббат командасындасыз! Енді не істеу керек, не кию керек, не алып бару қажет – бәрін рет-ретімен айтып берейік.

1.     Құрбы ретіндегі рөл: сырттай емес, шынай жанында болатын қолдау

Ең басты міндетіңіз – уақытында жанында болу. Бұл – шлейф ұстау емес, шынайы қолдау көрсету:

-       Мерекенің кестесін есте сақтау

-       Қызойнақ (девичник) ұйымдастыруға көмектесу

-       Қалыңдық аш қалмасын, шөлдемесін, күйзелмесін деп бақылау

-       Күні бойы болатын жоспарды білу

-       Қонақтар, фотограф және ұйымдастырушылармен байланыстыру

-       Бет бояу, шаш үлгісі мен эмоцияларды бақылау

Мінсіз құрбы – сабырлы, сенімді, кішігірім сөмкемен, қуатталған телефоны бар адам.

2.     Той күні не алып бару керек?

Қалыңдық құрбысына арналған "must-have" тізім:

-       Пудра, майлық, далап

-       Лейкопластырь (аяқ киімге қажет болуы мүмкін)

-       Телефон қуаттағыш немесе пауэрбанк

-       Шаш резинкасы, қыстырғыштар

-       Түйме, ине-жіп

-       Сағыз

-       Су мен жеңіл тіскебасар

-       Антисептик

-       Жылы сөз және бақыт сыйлайтын күлкі

Шағын clutch немесе кросс-боди сөмке алсаңыз – барлығы сөмкенің ішіне сыйып кетеді.

3.     Образ: үйлесімділік пен стиль

Кейде қалыңдық өз құрбыларына бірдей түсті, матаны немесе фасонды таңдап береді. Бірақ егер ондай болмаса:

-       Түстік гамманы нақтылаңыз

-       Тойдың форматы (табиғатта, залда, классика ма?)

-       Атмосфера (бохо ма, минимализм бе, салтанат па?)

-       Ұзындық, декольте – бәрінің үйлесімділігі маңызды

Тренд: миди ұзындық, бір реңк, жеңіл мата және жарқыраусыз.

4.     Мінез-құлық пен атмосфера

Сіз – қалыңдықтың тойдағы ең жақынысыз.

-       Сабырлы болыңыз (тойдың да өз кемшіліктері болуы мүмкін)

-       Қолдау көрсетіңіз (қалыңдық қобалжуы мүмкін)

-       Энергияға толы болыңыз (көңіл-күй түсетін жайттар болса да, мән бермеңіз)

-       Әрдайым жымиыңыз – сізге қарап қалыңдық өзін жайлы сезінетін болады!

Қалыңдық шаршаған сәтте – сіздің қолдауыңызға мұқтаж болады. Той - жәй ғана бір күн емес, қанша уақыттан бері жоспарланатын ерекше күн. Әрбір қалыңдықтың өз мінсіз тойы ойында болады, егер белгілі бір себептермен қателіктер кетіп жатса, қалыңдықтың көңіл-күйін көтеру сіздің мойныңызда екенін ұмытпаңыз.

5.     Фото, сторис және әдеп

-       Фото түсіріңіз, бірақ қалыңдықтан бұрын жарияламаңыз!

-       Қай сәттерді түсіруге болатынын нақтылаңыз

-       Фото сәтінде – көмек беріңіз (ракурс, поза, подол)

-       Тілек айтқанда түзу тұрыңыз, көйлегіңіз ыңғайлы болсын – сіз кадр ортасындасыз

Қорытынды

Қалыңдықтың құрбысы болу – бұл тек өткінші рөл емес, Бұл – махаббат, достық және нәзік жанашырлықтың символы. Сіз тек фотода емес, еске алатын ең маңызды сәттерде боласыз.